SEMANAL NGA ‘CLEAN-UP DRIVE’ IPAGATUMAN BILANG SABAT SA NAGATAAS NGA KASO SANG DENGUE
SA BANWA SANG MIAG-AO
Septiyembre Dies y Nuebe, Tuig Dos Mil Trese
(September 19, 2013)
Kasunod sang deklarasyon sang State of Calamity sa banwa sang Miagao bangud sa naga taas nga kaso sang Dengue Hemorrhagic Fever, ang lokal nga pamunuan sang Miag-ao, nagabuylog sa tanan nga mga Punong Barangay kag Principals sang elemetarya kag sekondarya nga mga buluthuan sa pagpatigayon sang semanal nga pagpanglimpyo kada Biyernes sugod alas kwatro ang takna sa hapon.

Ginapahanumdum man ang tanan sang proteksyon sang kaugalingon samtang nagapaninlo subong sang pagsuksok sang mga malaba nga panapton kag pagpahid sang mga “insect repellant lotions”.

Ang ini nga semanal nga hilikuton ipagatuman sugod sa Septiyembre beinte (20) (sa bwas nga adlaw) kag magapadayon asta ang opisyal nga pagpanaog sang deklarasyon sang State of Calamity.