Ginpaidalum sa maid-id nga audit ang kapin 61 (as of this printing) ka mga barangay sang Miagao sa Audit Activity nga ginpatigayon sang Commission on Audit kag sang Municipal Accounting Office umpisa sadtong Marso 15, 2010.
Suno kay OIC Municipal Accountant Mary Grace P. Cepe, subject sang audit ang mga transaksyon sang barangay halin sadtong tuig kun san-o ang barangay ulihi gin-audit tubtub sa Mayo 2010.
Ang Audit Activity isa ka tuigan nga initiatibo sang Commission nga nagareview sang mga transaksyon sa paggamit sang pundo sang barangay kag magagiya sa mga ini sa ila transaksyon sa palabuton. Ini agud mapasiguro nga ang transaksyon nga ginhiwat eksakto kag alinsunod sa layi kag nagakaigo nga proseso.
Kabahin sang audit team, nga ginpamunuan ni Letecia Jamolim, amo sanday Belen Villa kag Teresita Corteza, tanan gikan sa COA.
EXIT CONFERENCE
Angut sini, naghiwat man sang Exit Conference sa Justice Ramon B. Britanico Hall sadtong . Ang Exit Conference nangin opurtunidad sang mga barangay officials agud maathagan sila sang ila mga pamangkutanon angud sa “findings” sang COA sa ginhiwat nga audit sa ila barangay. Nangin tion man ang nasambit nga komperensya agud makahatag suhestyon ang COA kag magiyahan ang mga barangay kon paano nila mapatadlong ang ila transakyon nga angut sa patakaran sini.
Ang Exit Conference gintambungan sang mga Punong Barangays, Barangay Treasurers kag mga sangguniang Barangay Chairperson sang Committee on Appropriation sang mga barangay nga kabahin sang audit.